Жиында Ата заңға енгізілетін өзгерістер талқыланып, Жаңа Қазақстанды құруда референдумның маңыздылығы атап өтілді. «Конституциядағы 99 баптың 33-іне 56 түзету енгізіледі. Бұрын жер, ондағы қазба байлықтар мемлекет меншігінде саналса, енді жердің иесі де, киесі де – халық болмақ. Суы, нуы, бар байлығы ел игілігі үшін. Еліміз суперпрезиденттіктен Парламенті мықты президенттік басқару жүйесіне көшеді”, -деді Сенат депутаты. Шарада энергетиктер жалпыұлттық референдум өткізу бастамасын қолдайтынын, сондай-ақ Әділетті Қазақстанды құру жолында маңызды шараға белсенділік танытып, бір кісідей қатысатынын жеткізді.